Procida

Quanno fà fridde, jè penzo ‘o mes’aùsto
tutto spugliato all’aria a’ via ‘e Vivara,
c’o ventarièllo frìscu ‘e tramuntana
e ‘o sole ca s’affonna mmiez ’o mare,
che serate felice ‘e luna chiara!
Faccio dduje passe abbasci’ a Chiajulella,
e lum’ a mmare, sott’ a Curricella,
songo brillante ‘e ‘na purezza rara…
Mo è vièrno, sto’ tutt’appucundruto,
c’a faccia ‘e cera, senza chiù culore,
tra na battut’ ‘e tosse e nu starnuto
nun trovo fuoco ca me dà calore!
Ma si, ‘o pensiero vola,
liggiero ncopp’a l’onne,
si, ‘mmièzz ‘o mare, a Procida,
‘na voce m’ risponne,
già sento l’aria tiènnera
già sento ‘nu calore
e ‘a vocca torna rirere,
è tutta ‘nu splennore…
Ma che po fà st’ammore pe st’isula sulagna,
tutt’addore ‘e limùne, addò l’arie e campagne
s’ammesca cu l’erba fresca ‘e mare!…
M’ fà sentì chiù giòvene stu mare verde e blu,
si stesse sempe a Procida jè nun muresse chiù!…

Gaetano Lamagna (1975)

Quando fa freddo, io penso ad Agosto

senza vestiti e all’aria nei pressi di Vivara,

col venticello fresco di tramontana

e con il sole che affonda nel mare

che serate felici al chiaro di luna!

Faccio due passi giù alla Chiaiolella

le luci a mare sotto la Coricella

sono brillanti di purezza rara.

Ora è inverno, sto pigro e senza voglie

col volto cereo e senza un colore

tra un colpo di tosse e uno starnuto

non trovo un fuoco che mi dia calore!

Ma si, il pensiero vola

leggero sulle onde

si, in mezzo al mare, a Procida,

una voce mi risponde

già sento l’aria tenera

già sento il calore

e la bocca torna a ridere

è tutto uno splendore…

ma che può far l’amore per quest’isola solitaria

tutta odore di limoni, dove l’aria di campagna

si mescola con l’erba fresca di mare!…

Mi fa sentir più giovane questo mare verde e blu,

se stessi sempre a Procida non morirei più!…